«ÁZIRET SULTAN» UJYMY BAS MEShITKE ZIIaRAT JASADY (FOTO)

23 qyrkúıek 2022 379 0
Оqý rejımi

Elorda tórinde jaqynda ǵana boı kótergen Respýblıkalyq Bas meshit – álemdik ondyq kirgen kólemimen ǵana emes, kóz tartar kórki men ulttyq naqyshtaǵy sáýletimen de erekshelenetin aıryqsha qulshylyq ordasy. El musylmandarynyń maqtanyshyndaı bolǵan Bas meshitke kelýshilerdiń de áli kúnge tolastamaýy da osyny ańǵartatyndaı. Búgingi tańda meshit qyzmetkerleriniń qatary úzdik mamandarmen tolyǵyp, jumys barysy ipten qarqyndaı túsken.

Jańa ashylǵan Bas meshitke búgin «Áziret Sultan» ujymy arnaıy zııarat jasap, qulshylyq ordasyna óz quttyqtaýyn bildirip qaıtty. Astana qalasynyń bas ımamy Erbolat Júsipov bastaǵan ujym Bas meshittiń qyzmetkerlerimen júzdesip, tynys-tirshiligimen tanysty. Qonaqtardy meshit ımamy Qanat Qydyrmın qarsy alyp, zamanaýı tehnologııamen jabdyqtalǵan jańa meshittiń erekshelikterin kórsetti. Jumys josparyna engizilgen jańa jobalar jaıynda aqyldasyp, tájirıbe almasýǵa shaqyrdy.

Qala bas ımamy Erbolat Júsipov ujym atynan quttyqtaý lebizin bildirip, Qanat Qoıanbekulyna qazaqy dástúrimizge saı shapan jaýyp, qurmet kórsetti. «Áziret Sultan» meshitiniń atynan Allanyń 99 esimi jazylǵan sýret tartý etilip, áıel ustazdar jańa qulshylyq ordasyna jaqsylyq tilep, jamaǵatqa shashý shashty.

Sýretterdi «FOTOGALEREIa» aıdarynan kóre alasyzdar!

 

Pіkіrler Kіrý