«ÁZIRET SULTAN»: ZAǴIP JANDARǴA ARNAP AÝYZAShAR DASTARHANY JAIYLDY (FOTO)
Astanadaǵy «Áziret Sultan» meshiti «Inabat» qyz-kelinshekter klýbynyń músheleri meshit ustazdarymen birlesip qaladaǵy «Shuǵyla» zaǵıp jandar birlestigine aýyzashar berdi.
Qazaqstan musylmandary dinı basqarmasynyń bekitken «30 kúnde 30 ýaǵyz» jobasy aıasynda «Áziret Sultan» meshitiniń naıb ımamy Oljas Ismaıylov jınalǵan jurtshylyqqa Ramazannyń qadir-qasıeti men saýaby jaıynda ýaǵyz aıtty.
Ómir synaqtaryna qaramastan, Allanyń jazǵan taǵdyryna rızashylyq tanytyp, moıymaı júrgen aqsaqaldarymyz ben aq jaýlyqty ájelerimiz taǵylymǵa toly keshte rýhanı mol áser aldy.
Kesh sońynda barsha qonaqtarǵa «Inabat» qyz-kelinshekter klýbynyń arnaıy daıyndaǵan syılyqtary úlestirildi.
Источник: Aidos
