«ÁZIRET SULTAN»: JUMAǴA KELGEN JAMAǴATQA ZÁMZÁM MEN QURMA TARATYLDY (FOTO)

QMDB Astana qalasy ókildigi «Áziret Sultan» meshitinde qasıetti Máýlit aıynyń qurmetine jumaǵa kelgen jamaǵatqa qasıetti zámzám sýy, qurma men arnaıy duǵalar jazylǵan qalta qaǵazdary taratyldy.

Paıǵambarymyz (s.ǵ.s) týylǵan Rabıǵýl áýýál aıynda júzege asyp otyrǵan ıgi sharada meshit qyzmetkerleri tarapynan «Máýlit aıy qutty bolsyn!» aıdarymen arnaıy banner ilinip, Máýlit syıy ústel ústinen oryn aldy. Jumaǵa jıylǵan jamaǵat qurmadan dám tatyp, zámzám sýyn iship, súıikti Paıǵambarymyzǵa (s.ǵ.s.) salaýattaryn joldap jatty.

Qasıetti Quran Kárimde Alla Taǵala: «Rasynda, Alla jáne perishteler Paıǵambarǵa salaýat aıtady. Áı, múminder! Oǵan salaýat jáne yqylaspen sálem keltirińder», – dep buıyrady. Al, Alla Elshisiniń (s.ǵ.s.) ózi: «Qııamette maǵan eń jaqyn adam – maǵan kóp salaýat aıtqan adam», – degen eken.