Baqytjan Satershınov: Din qaıratkerleri men ult zııalylary arasynda rýhanı baılanys boldy (FOTO)
Almaty qalasynda ótken «QAZAQSTANDAǴY «DIN DÚRBELEŃI»: KEŃESTIK BILIKTIŃ DINGE QARSY REPRESSIIaLYQ ShARALARY» respýblıkalyq ǵylymı-tájirıbelik konferentsııasynda Fılosofııa, saıasattaný jáne dintaný ınstıtýty dintaný bóliminiń meńgerýshisi Baqytjan Satershınov «Qazaqstandaǵy dinge qarsy saıası qýǵyn-súrginniń ózekti máseleleri» taqyrybynda baıandama jasady.
«Negizinde dindarlarǵa qarsy saıasat Patshalyq Reseı kezinde bastaldy. Osy saıasatty bolshevıkter jalǵastyrdy. Onyń dúnıetanymdyq negizi tórkinin marksızmnen alǵan lenınızmnen bastaldy. Bılikti Stalın óz qolyna alǵannan keıin stalınızm ıdeologııasyna negizdelgen dinge qarsy saıasat júrgizildi. Bul saıasattyń túpki negizi, istegen qylmystary barynsha adamshylyqqa qarsy antıgýmanıstik sıpatta boldy» dedi Baqytjan Satershınov.
Sondaı-aq ǵalym arhıv derekterine súıene otyryp, din qaıratkerleri men ult zııalylary arasynda rýhanı baılanys bolǵanyn alǵa tartty. Sol sebepti din qaıratkerlerine antısovettik agıtatsııa jasady, kontrrevolıýtsııalyq áreketke bardy, shpıonajben aınalysty degendeı aıyptar taǵylyp, qýǵyn-súrgin kórgenin atap ótti.
