BARShAŃYZǴA AIRYQShA ALǴYS AITAMYN!

Qadirli otandastar! Qurmetti jamaǵat!

Sizderdi búgingi alǵys aıtý kúnimen shyn júrekten quttyqtaımyn. Ár otbasyǵa qut-bereke, baqyt pen tabys tileımin. Ardaqty Paıǵambarymyz Muhammed (oǵan Allanyń salaýaty men sálemi bolsyn): «Adamǵa alǵys aıta almaǵan, Allaǵa shúkir ete almaıdy», – degen. Bizdi joqtan bar etip, sansyz nyǵmetke bólegen Allaǵa sansyz shúkirler bolsyn!

Ulanǵaıyr jerimizdi qorǵap, bizge amanat etip qaldyrǵan babalarymyzǵa, meıirimin tógip, mápelep ósirgen ata-anamyzǵa, qamqor bolǵan aǵaıyn-týysqa alǵys aıtamyz.

Men osy rette halyqqa aıanbaı qyzmet etip kele jatqan túrli salanyń mamandaryna, sonymen qatar barsha din qyzmetkerlerine, árdaıym izgi isterge úles qosatyn musylman qaýymyna, yntymaqqa uıysqan halqymyzǵa alǵys bildiremin.

Hadısterdiń birinde: «Kim senderge jaqsylyq jasasa, oǵan syılyq berińder. Eger berer syılyq tappasańdar, ol úshin duǵa jasańdar» delingen. Barsha musylman qaýymyn, otandastarymdy ózara jaqsylyq jasap, qamqor bolýǵa shaqyramyn.

Alla Taǵala elimizge amandyq, jerimizge tynyshtyq bergeı. Táýelsizdigimizdi baıandy bolǵaı. Ámın!

Naýryzbaı qajy TAǴANULY,

Qazaqstan musylmandary dinı basqarmasynyń tóraǵasy, Bas múftı