Bas ımam elordadaǵy balalar úıine zııarat jasady

Búgin Astana qalasynyń bas ımamy Nurbek qajy Áýeshanuly «Izgilik kerýeni» qaıyrymdylyq jobasy aıasynda elordadaǵy «SOS Qazaqstan balalar aýyldary» korporatıvtik qoryna arnaıy bardy. Munda búgingi tańda 70-ke jýyq bala tálim alady. Bas ımam tárbıeshilermen, balalarmen kezdesip, dinimizde ata-ana qamqorynsyz qalǵan balalarǵa únemi qaraılasý saýapty amal ekenin aıtty.

«Musylmandardyń arasynda eń qaıyrly úı, ishinde jetimi bolyp, oǵan jaqsylyq jasalatyn úı» degen Alla Elshisi. Paıǵambarymyz (oǵan Allanyń salaýaty men sálemi bolsyn) hadıs sharıfinde: «Kim Alla rızalyǵy úshin bir jetimniń basynan sıpasa, qoly tıgen ár shashy saıyn jaqsylyq bolady».  «Eger kimde-kim jetim ul nemese jetim qyzǵa jany ashyp,  qamqorlyq jasasa,  onymen jánnátta osylaı qatar bolamyz dep suq saýsaǵy men ortan saýsaǵyn birge kórsetkeni de bar. Dinimizde bireýdi qýantý, qýanysh syılaý jaqsy amal. Biz árkez balalar úıine baryp turamyz. Taǵdyr taýqymetimen osynda tárbıe alyp jatqan balalarǵa qaraılasý úlken saýapty is. Sizder shydamdylyq tanytyp, ár balaǵa meıirim kórsetip, olardyń keleshegi jaqsy bolsyn dep ósirip jatyrsyzdar. Alla saýaptan jazsyn. Osy balalardyń bolashaǵy jarqyn bolsyn. Astana ókildigi Ózderińizben júzdesip, balalardy qýantaıyq dep syı-sııapatymyzben kelip otyrmyz. Qabyl alyńyzdar» dedi bas ımam óz sózinde.

Zııarat barysynda balalarǵa táttiler, oıynshyqtar jáne ortalyqqa qajetti turmystyq tehnıka syıǵa berildi.