Bas ımamdardyń biliktiligin arttyrýǵa arnalǵan semınar ótti (FOTO)

QMDB Tóraǵasy, Bas múftı Naýryzbaı qajy Taǵanulynyń bastamasy aıasynda eki kúnge jalǵasqan oblys bas ımamdarynyń biliktiligin arttyrýǵa arnalǵan semınar máresine jetti.

Semınardyń alǵashqy sabaǵy Bas múftıdiń dárisimen bastalyp, naıb múftı Sansyzbaı Qurbanulynyń «Islam quqyǵynyń qazirgi máseleleri» atty taqyrybymen jalǵasty. Al Bas múftı keńesshisi Kenjetaı Dúısenbaı qyzmetke jaýapkershilikpen qaraý, belgili kásipker Syrymbek Taý tulǵa bolý syndy taqyryp tóńireginde oılaryn ortaǵa saldy. Sondaı-aq IT mamany Tımýr Bektur qazirgi áleýmettik jeli múmkindigin tereń paıdalaný týraly aıtsa, N.Nazarbaev ortalyǵynyń Dinı ahýaldy taldaý jáne monıtorıng departamentiniń dırektory Talǵat Jaqııanov «Qazaqstandaǵy dinı ahýal: negizgi tendentsııalar men problemalar» máselesin kóterdi.

Odan bólek N.Nazarbaev ortalyǵy tóraǵasynyń orynbasary Nurlan Ómirzaquly ımamdardyń qyzmetine qatysty, al Dinı bilim jáne kadr daıarlaý bóliminiń meńgerýshisi Smaıyl Seıtbekov Islam tarıhy jaıly qyzyqty dáris ótkizdi.

Aıta keteıik, eki kúnge sozylǵan semınar sońynda QMDB Tóraǵasy, Bas múftı Naýryzbaı qajy Taǵanuly spıkerlerge alǵysyn jetkizip, oblys bas ımamdaryna arnaıy sertıfıkat tabystady.