Bas meshit shákirtteri ujymdyq serýenge shyǵyp qaıtty (FOTO)

Keshegi jeksenbi Astana qalasyndaǵy respýblıkalyq «Áziret Sultan» meshitiniń shákirtteri úshin erekshe kúnderdiń biri boldy. Bas meshittegi «Dinı saýat ashý kýrsynyń» oqý baǵdarlamasynyń aıaqtalýyna oraı uıymdastyrylǵan ujymdyq serýen shákirtter qaýymyn yntymaqqa uıystyryp, birligin bekemdeı tústi. Qala syrtyndaǵy demalys orynda bas qosqan Bas meshit qyzmetkerleri men shákirtteri osylaısha jeksenbi kúnin taǵylymǵa toly ótkizip, tynyǵyp qaıtty.

Shákirtterdiń bir-birimen etene tanysyp, jaqynyraq aralasýyna jol ashqan ujymdyq demalys sporttyq saıystarmen árlenip, tynyǵýmen birge shynyǵý jaǵyn shyńdady. Ár ustazdyń shákirtterinen jasaqtalǵan toptar arasynda fýtbol, voleıbol, qyzyl tý, arqan tartys, gir kóterý sekildi jarystar ótkizilip, ózara kúsh talastyrdy.

Bir úıdiń balasyndaı birlik tanytyp, birlese júrip tamaq ta daıyndap, jarysqa da qatysyp úlgergen shákirtter úshin tabıǵat aıasynda sap túzep, jamaǵatpen oqylǵan namazdyń erekshe áserli bolǵany sózsiz. Namazdan soń shákirtter qaýymyna QMDB tóraǵasynyń birinshi orynbasary, respýblıkalyq «Áziret Sultan» meshitiniń bas ımamy Naýryzbaı qajy Taǵanulynyń ýaǵyzy da ujymdyq demalystyń taǵylymyn arttyra tústi.

Sýretterdi «FOTOGALEREIa» aıdarynan kóre alasyzdar!