BAS MEShITTE ALǴAShQY JUMA NAMAZY OQYLDY (FOTO)

12 tamyz 2022 4562 0
Оqý rejımi

Búgin elordasy Nur-Sultan qalasynda ashylǵan respýblıkalyq Bas meshitte alǵashqy azan aıtylyp, jamaǵatpen juma namazy oqyldy.

Namaz kezinde sáýleti men sáni kelisken jap-jańa meshitke qýanyp kelgen jamaǵattyń qarasy qalyń boldy. Barshasy Allaǵa maqtaý-madaq aıtyp, záýlim meshittiń tartymdy kórinisine súısinip jatty.

Juma namazynan buryn Bas meshittiń ashylýyna alys-jaqynnan arnaıy kelgen qurmetti din qaıratkerleri jamaǵatty quttyqtap, meshit salýdyń mańyzy men saýaby týraly tilge tıek etti. Atap aıtsaq, Mysyrdaǵy áıgili ál-Azhar ýnıversıtetiniń ókili, doktor, sheıh Muhammed Abdýrrahman Ad-Dýını, Reseı múftıler Keńesiniń jáne Reseı musylmandary dinı basqarmasy Tóraǵasynyń birinshi orynbasary Damır Mýhetdınov, Ózbekstan musylmandary dinı basqarmasynyń tóraǵasy Nýrıddın Holıqnazarov pen Qyrǵyzstan musylmandary dinı basqarmasynyń tóraǵasy, bas múftı Zamır Rakıev, sondaı-aq Mońǵolııa múftıi Batyrbek Hadys pen QMDB Tóraǵasynyń orynbasary Ershat Aǵybaıuly elorda turǵyndaryn tarıhı sátpen quttyqtap, ystyq yqylastaryn bildirdi.

Budan keıin azan shaqyrylyp, qutpa oqyldy. Osylaısha Ortalyq Azııadaǵy eń úlken meshitte jamaǵatpen alǵashqy juma namazy oqylyp, el ıgiligi men álem tynyshtyǵy úshin duǵa jasaldy. 

Pіkіrler Kіrý