Bas meshitte Máýlit jyry oqyldy (FOTO)

Búgin, qasıetti juma kúni respýblıkalyq «Áziret Sultan» meshitinde ardaqty paıǵambarymyz Muhammed (s.ǵ.s.) týylǵan Máýlit aıynyń qurmetine oraı merekelik shara ótti. Juma namazyna jıylǵan jamaǵatqa «Áziret Sultan» meshitiniń qyzmetkerleri, elimizge belgili qarılar Jumanazar Sadyrhanov pen Murtaza Balahmet máýlit jyryn oqyp, eki dúnıe sardarynyń ómirinen ónege nasıhattady. Aldymen Orta Azııa musylmandary arasynda máshhúr bolǵan Báranjı máýliti oqylyp, sońynan belgili din qaıratkeri Sádýaqas Ǵylmanı atamyz aýdarǵan qazaqsha nusqasy aıtylyp, jamaǵatty erekshe áserge bóledi.

Sońynan sap bolyp tik turyp Paıǵambarymyzǵa (s.ǵ.s.) jamaǵatpen salaýat aıtylyp, alyp meshittiń ishin Alla Elshisine (s.ǵ.s.) súıispenshilik kernegendeı kúı keshti. Sondaı-aq, ardaqty paıǵambarymyzdyń (s.ǵ.s.) rýhyna arnaıy  Quran aıattary oqylyp, Bas ımam Erbolat Júsipov jamaǵatpen birge duǵa jasady.

Sýretter toptamasyn «FOTOGALEREIa» aıdarynan kóre alasyzdar!