Bas meshitte Qurban aıt merekesi bastaldy (FOTO)

Kúlli musylman qaýymy saǵyna kútken qasıetti Qurban aıt meıramy bastaldy. Elimizdiń túkpir-túkpirinde búgin Qurban aıt namazy oqylyp, ısi musylman qaýymy ulyq merekeni bastap ta ketti. Tań qylań berisimen qulshylyq ordalaryna qaraı aǵylǵan qalyń jurtshylyqtyń qarasy kóz toıdyryp, kóńil súısintedi.

Aıt namazyna asyqqan Elorda jurshylyǵy úshin búgingi jańbyr da bóget bola almady. Aýmaǵy atshaptyrym respýblıkalyq «Áziret Sultan» meshitinde ádettegideı ıne shansharlyq oryn qalmaı, meshit aýlasy da ıin tiresken musylman qaýymyna lyq toldy. Aıt namazy aldynda meshit minberine kóterilgen QMDB tóraǵasy, Bas múftı Serikbaı qajy Oraz ulyq mereke jaıynda ýaǵyz aıtyp, jamaǵatqa aqparat berip ótti. Budan soń Bas meshit jamaǵaty Bas múftıge uıyp, qasıetti Qurban aıt namazyn oqydy. Aıt namazynan myńdaǵan musylman baýyrlarymyz tákbir tashrıq aıtyp, Allany ulyqtaǵan daýystar qulshylyq ordasyn jańǵyrtty. Namazdan soń jamaǵtpen birge bata berilip, elimizdiń tynyshtyǵy men berekesin tilep duǵa jasaldy.