Bas meshittegi senbilik qaıyrymdylyq sharasyna jalǵasty (FOTO+VIDEO)

Búgin el astanasy Nur-Sultan qalasyndaǵy respýblıkalyq «Áziret Sultan» meshitinde erekshe senbilik sharasy bolyp ótti. Jaqynda ǵana QMDB tóraǵasy, Bas múftı Naýryzbaı qajy Taǵanulynyń bastamasymen búkil respýblıka boıynsha ótken «30 000 túp aǵash otyrǵyzý» aktsııasynyń jalǵasy retinde uıymdastyrylǵan búgingi shara aıasynda Bas meshit aýmaǵyna 150 túp shyrsha otyrǵyzyldy.

Aıta keteıik, Nur-Sultan ókildigi qyzmetkerleriniń sharalaryna qashanda qoldaý tanytyp kele jatqan «Astana zelenstroı» JShS bul joly da saýapty istiń basynan tabylyp, ujym bolyp kómek kórsetti. Sondaı-aq, dırektor orynbasary Ahtaev Qanattyń aıtýynsha, «Astana Zelenstroı» ujymy jyl sońyna deıin «Áziret Sultan» meshiti aýmaǵyna taǵy 250 túp aǵash otyrǵyzyp berýge yqylas tanytyp otyrǵan kórinedi.

Osy oraıda, Nur-Sultan qalasynyń bas ımamy Erbolat Júsipovtiń uıymdastyrýymen senbilik sharasynyń sońynda «Astana Zelenstroı» qyzmetkerlerine arnalǵan qaıyrymdylyq sharasy ótti. Bas shahardyń Ekologııasy men kelbetine ólsheýsiz úles qosyp kele jatqan qyzmetkerlerdiń eńbekterin baǵalaý maqsatynda búgin 50 adamǵa azyq-túlik sómkesi úlestirildi. Atalmysh sharaǵa Nur-Cultan qalasy ákimdigi, Almaty aýdandyq ákimdigi sekildi quzyrly oryndar da óz qoldaýlaryn bildirip, syı-sııapattaryn qosa úlestirdi. Merekelik is-sharaǵa Nur-Sultan qalasy Din isteri basqarmasynyń basshysy Nurdáýlet Álmuqanov arnaıy qatysyp, izgi tilegin bildirdi.

Sýret toptamasyn «FOTOGALEREIa» aıdarynan kóre alasyzdar!