Bas meshittegi senbilik qaıyrymdylyq sharasyna jalǵasty (FOTO+VIDEO)

Búgin Nur-Sultan qalasyndaǵy respýblıkalyq «Áziret Sultan» meshitiniń qyzmetkerleri senbilik uıymdastyryp, «Astana zelenstroı» mekemesiniń ujymyna kómek qolyn sozdy. Shahardy abattandyrý jospary boıynsha «Áziret Sultan» meshitiniń mańyna jyl basynan beri 80 túp aǵash otyrǵyzý josparlanǵan bolatyn.

Meshit ujymy búgin osy aǵashtardy tolyǵymen otyrǵyzyp, meshittiń syrtqy kórkine de óz úlesterin qosyp qaıtty. Sondaı-aq, birneshe apta boıy osy jumysqa jaýapty bolǵan «Astana zelenstroı» mekemesiniń 40 qyzmetkerine Oraza aıt meıramynyń qurmetine oraı qaıyrymdylyq sharasyn uıymdastyryp, arnaıy aıttyq sómkelerin tartý etti.

Igi sharaǵa «Áziret Sultan» meshitiniń bas ımamy Erbolat Júsipov, sharaǵa demeýshilik tanytqan «Saýap» belsendiler tobynyń músheleri, Almaty aýdany ákimdiginiń qyzmetkerleri birge qatysyp, meshit mańyna óz qoldarymen aǵash otyrǵyzdy.

Sýretterdi «FOTOGALEREIa» aıdarynan kóre alasyzdar!