Bas meshittiń «Sultan» komandasy «Bas múftı kýbogyn» jeńip aldy (FOTO)

Keshe Nur-Sultan qalasynda QMDB Jastar isi sektorynyń uıymdastyrýymen fýtboldan «Bas múftı kýbogy» qaıyrymdylyq týrnıri bolyp ótti. Saýapty da salaýatty sharanyń ashylýyna QMDB tóraǵasy, Bas múftı Naýryzbaı qajy Taǵanuly qatysyp, týrnırge atsalysqan 12 komandaǵa rızashylyǵyn bildirdi.

«Dinı basqarmanyń shaqyrtýyn qabyl alyp, osy týrnırge qatysyp jatqandaryńyzǵa myń alǵys. Jarysqa sáttilik, ıgi sharaǵa bereke tileımin. Sizderdiń salaýatty ómir saltyn ustanyp ári qaıyrymdylyq sharaǵa atsalysýlaryńyz basqalarǵa úlgi bolmaq», - dep atap ótti Bas múftı.

Sonymen qatar, týrnırdiń resmı ashylýynda Bas múftı komandalardan jınalǵan qarajatty elordalyq áleýmettik jaǵdaıy tómen 4 otbasyǵa tabystady.

Tartysqa toly ótken týrnır nátıjesinde «Áziret Sultan» meshitiniń «Sultan» komandasy qarsylastarynan aıqyn túrde basym túsip, «Bas múftı kýbogyn» qanjyǵasyna baılady. Komandalyq birlik pen sheberliktiń ozyq úlgisin tanytqan Bas meshit shákirtteriniń oıyny jankúıer jamaǵattyń da ystyq yqylasyna bólenip, rızashylyqtaryn týdyrdy. Aıta keteıik, saıystyń júldeli II ornyna áskerılerden quralǵan «Ulan» komandasy jaıǵassa, «Ortalyq» komandasy júldeli III oryndy ıelendi.

Dúbirli dodada «Áziret Sultan» meshitiniń namysyn qorǵap, abyroıyn asqaqtatqan «Sultan» komandasynyń oıynshylary Jaqsylyq Talasuly, Dıas Dáýrenuly, Alhakım Erkinuly, Aıanhan Dýnaıbek, Aldııar Qanatuly, Azamat Nurjanuly, Tabıǵat Jolaman, Ermekǵalı Erǵalıulyna jáne komanda bapkeri Aımuhan Nurlanǵa ujym atynan alǵys bildirip, jeńisterimen quttyqtaımyz!