BAS MÚFTI ALMATYDA HALYQARALYQ KONFERENTsIIaǴA QATYSTY

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyndaǵy Nur-Múbárak ýnıversıtetinde Hýsamýddın ás-Syǵanaqıdyń rýhanı murasyn dáripteýge arnalǵan halyqaralyq ǵylymı-tájirıbelik konferentsııaǵa qatysty.

Basqosýda baıandama jasaǵan Bas múftı: «Ómirin ǵylym men bilimge arnaǵan babalarymyzdyń biri de biregeıi – ortaǵasyrlyq ǵulama Hýsamýddın ás-Syǵanaqı. Ol tek dinı ǵylymdarda ǵana emes, jalpy ıslam mádenıetiniń, adamgershilik, rýhanı qundylyqtardyń damýyna zor úles qosty. Babamyzdyń qaldyrǵan mol murasy búgingi urpaq úshin baǵa jetpes qazyna bolyp tabylady. Búgingi konferentsııanyń basty maqsaty – Hýsamýddın ás-Syǵanaqıdyń bizge jetpegen qoljazba eńbekterin zerttep, ǵylymı aınalymǵa engizý, onyń izbasarlarynyń eńbekterin talqylaý. Bul – biz úshin óte mańyzdy qadam. Óıtkeni, ata-babalarymyzdyń murasyn jańǵyrtý arqyly biz elimizdegi ıslam dininiń jáne ǵylymnyń damýyna zor yqpal ete alamyz. Osyndaı ǵylymı konferentsııalar arqyly bizdiń rýhanı dúnıemiz baıyp, tarıhymyz tereńdeı túsedi» dedi.

Aıta ketsek, konferentsııada Mysyr Arab Respýblıkasynyń Ýaqyptar mınıstri, doktor, professor Ýsama ál-Azharı beıne quttyqtaýyn joldady. Sonymen qatar elimizge belgili ǵalymdar arnaıy baıandama jasady.

​