Bas múftı Aqsaqaldar keńesiniń jıynyna qatysty (FOTO)

25 qazan 2020 290 0
Оqý rejımi

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Taldyqorǵan qalasyna sapary barysynda «Islam qundylyqtaryn saqtaýdaǵy aqsaqaldar men aǵa býynnyń yqpaly» atty dóńgelek ústelge qatysty.

Jıynǵa jetisýlyq Aqsaqaldar keńesiniń músheleri, ákimdik qyzmetkerleri men QMDB Taldyqorǵan óńiri ımamdary qatysty. Basqosýda asyl dinimizdiń órkendeýine, ásirese, jastardyń qoǵamda óz ornyn taýyp, túzý jolmen júrýine aqsaqaldar men aǵa býynnyń yqpaly sóz boldy.

«Biz, «Islam qundylyqtaryn saqtaýda aqsaqaldar ınstıtýtynyń róli» atty dóńgel ústelge qatysýshylar barsha otandastarymyz ben musylman qaýymyn birlik pen ıgilikke úndeı otyryp, Qazaqstan musylmandary dinı basqarmasy Ǵulamalar Keńesi qabyldaǵan «As berý mádenıeti», «Zırat pen zııarat mádenıeti», «Kıeli oryndardy zııarat etý erejesi» atty qujattar men qoǵamdyq mańyzy bar dinı tereń pátýlarǵa boısunýǵa jáne ony jamaǵat arasynda nasıhattaýǵa shaqyramyz. Birligimiz ben eldigimiz, dinı tutastyǵymyz ben halyq yntymaǵy úshin tatýlyqty tý etýge úndeımiz.

Biz elimizdiń barsha jastaryn úlkenge qurmet kórsetýge, al aǵa býyn ókilderin kishige izet jasaýǵa, qoǵamda din men dástúr sabaqtastyǵyn jańǵyrtýǵa, úlgili otbasy qundylyǵyn nasıhattaýǵa shaqyramyz.

Álemdegi saıası ustanymdar men ómir súrý salty kún saıyn qubylǵan almaǵaıyp zamanda aýyzbirshilik tanytyp, din men dástúrimizge nuqsan keltiretin áreketterge tosqaýyl qoıýǵa, adam ómirine qaýip tóndiretin is-qımyldarǵa jol bermeýge úndeımiz» - dedi Bas múftı Naýryzbaı qajy Taǵanuly.

Pіkіrler Kіrý