Bas múftı aqsaqaldarmen júzdesti (FOTO)

Búgin, qasıetti juma kúni Bas múftı Naýryzbaı qajy Taǵanuly Qazaqstan musylmandary dinı basqarmasynyń Almaty qalasyndaǵy ókildigi ǵımaratynda qazynaly qarııalarmen júzdesti.

«Qasıetti juma kúni ózderińizben júzdesip, sizderdiń aqyl-keńesterińizdi, usynys-pikirlerińizdi tyńdaý úshin osy basqosýǵa jınalyp otyrmyz. Sebebi sizderdiń oı-pikirlerińiz biz úshin qymbat. Biz burynnan aq saqaldy atanyń aq batasyn alǵan, ataly sózine toqtaǵan, olardyń aıtqanyn zań dep qabyldap, buljytpaı oryndaǵan elmiz. Allaǵa shúkir, osy úrdis áli kúnge deıin úzilmeı kele jatyr. Sizderdiń aq batalaryńyz, jyly lebizderińiz bizge rýhanı kúsh beredi» dedi Naýryzbaı qajy Taǵanuly.

Sondaı-aq Bas múftı kezdesý barysynda Qazaqstan musylmandary dinı basqarmasynyń 7 baǵyt boıynsha atqarylyp jatqan jumysyn tanystyrdy. Aqparat jáne qoǵammen baılanys baǵyty boıynsha ótkizilgen kezdesýde QMDB Tóraǵasy aqsaqaldardyń usynys-tilegin tyńdady.

Shara sońynda aqsaqaldar QMDB jumysyna sáttilik tilep, múftııattyń bastamalaryna qoldaý bildirip, bata berdi.