BAS MÚFTI AQSh ELShISI DENIEL ROZENBLIýMMEN KEZDESTI (FOTO)

Elordada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Amerıka Qurama Shtattarynyń elimizdegi Tótenshe jáne Ókiletti Elshisi DEnıel Rozenblıýmmen óz ótinishi boıynsha kezdesti.

Kezdesýde Bas múftı: «Islam dini ózge senim ókilderimen tatýlyqta ómir súrýdi úgitteıdi. Zaıyrly memleketimiz de árdaıym túrli konfessııalardyń jaqsy qarym-qatynasta bolýyn basty nazarda ustaıdy. Qoǵamǵa qajetti ıgi is-sharalarda barlyq din ókilderi bas qosyp, ortaq iske belsene qatysyp keledi. Bul rette Álemdik jáne dástúrli dinder lıderleri Seziniń rólin aıryqsha atap ótý qajet» dedi.

QMDB Tóraǵasy Islam beıbitshilik pen birliktiń dini ekenin, búgingi tańda jer betine tynyshtyq pen turaqtylyq ornatýdyń mańyzyn aıryqsha atap ótti. Sonymen qatar halyqty izgilik pen birlikke úndep kele jatqan Qazaqstan musylmandary dinı basqarmasynyń qolǵa alǵan bastamalary men ıgi jumystary jaıly áńgimelep berdi.

AQSh Elshisi DEnıel Rozenblıým Naýryzbaı qajy Taǵanulyna ýaqyt bólip, arnaıy qabyldaǵany úshin alǵysyn bildirdi. 

​