Bas múftı «Arys» meshitiniń ashylýyna qatysty (FOTO)

Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly bastaǵan delegatsııa Túrkistan oblysyna arnaıy resmı saparmen bardy.

Sapar aıasynda QMDB Tóraǵasy, Bas múftı Naýryzbaı qajy Taǵanuly QMDB-nyń 30 jyldyq mereıtoıy aıasynda salynǵan Túrkistan oblysy Saıram aýdany Arys aýylyndaǵy «Arys» meshitiniń ashylýyna qatysty.

Saltanatty shara aldymen Quran oqýmen bastaldy. Sodan soń Bas múftı Naýryzbaı qajy Taǵanuly quttyqtaý sóz sóıledi. «Meshit – rýhanı hám tálim-tárbıe beretin qasıetti oryn. Sondyqtan meshit eldiń birligi men yntymaǵyna qyzmet etýi qajet» dedi Bas Múftı.         

Aıta keteıik, «Arys» meshiti jergilikti turǵyndardyń kómegimen salyndy. Jańa meshitke 2300 adam sııady. Meshittiń jylý júıesi, dárishanasy, dinı qyzmetkerlerge arnalǵan, sondaı-aq neke jáne qabyldaý bólmeleri bar. Odan bólek 150 avtokólikke arnalǵan turaqjaıy bar.