BAS MÚFTI «ÁZIRET SULTAN» MEShITINDEGI AÝYZAShAR DASTARHANYNA QATYSTY (FOTO)

Qasıetti Ramazan aıy boıy elimizdegi birqatar meshitter jamaǵatqa tegin aýyzashar dastarhanyn uıymdastyryp, saýapqa toly ulyq aıdyń berekesin arttyra túsedi. Demeýshi azamattardyń qoldaýymen 30 kún boıy jaıylǵan dastarhannan túrli toptaǵy adamdar aýyz ashyp, Ramazan boıy qulshylyq ordalarynda qaıyrymdylyq sharalary pen saýapqa toly ıgi ister jalǵasyp jatady. 
Kún saıyn meshit meıramhanasynda 500 janǵa aýyzashar dastarhanyn jaıýdy úrdiske aınaldyrǵan Astana qalasyndaǵy «Áziret Sultan» meshiti bıyl da jamaǵatqa qonaqjaı qushaǵyn aıqara ashyp otyr. Elorda bas ımamy  Erbolat Júsipovtiń aıtýynsha, jalpy qala boıynsha bıylǵy jyly kún saıyn 2500-3000 janǵa tegin aýyzashar beriletin bolmaq. Sondaı-aq, qasıetti Qadir túninde meshitke kelýshi jamaǵatqa sáresi taratý jumysy da josparlanǵan kórinedi.
«Áziret Sultan» meshitindegi alǵashqy aýyzashar dastarhanyna búgin QMDB tóraǵasy, Bas múftı Naýryzbaı qajy Taǵanuly arnaıy qatysyp, jamaǵatpen birge aýyz ashty. Jıylǵan jamaǵatty Ramazan aıynyń bastalýymen quttyqtap, izgi tilegin bildirgen Bas múftı orazanyń qadir-qasıeti jaıly ýaǵyz aıtty. 
Sondaı-aq, Bas múftı Naýryzbaı qajy Taǵanuly taraýıh namazy aldynda da jamaǵatqa izgi tilegin bildirip, ulyq aıdyń qasıeti jaıly tushymdy nasıhat aıtty. Namaz sońynda jamaǵatpen birge qol jaıyp, elimiz ben jerimizdiń amandyǵy úshin duǵa jasady.
Sýretterdi «FOTOGALEREIa» aıdarynan kóre alasyzdar!

Источник: Aidos