Bas múftı «Áziret Sultan» meshitindegi juma namazyna qatysty (FOTO+VIDEO)

Kúnderdiń sultany bolǵan qasıetti jumada Nur-Sultan qalasy boıynsha juma namazy qulshylyq ordalarynyń aýlalarynda ótkizilip, meshit mańy beıne bir merekege aınalǵandaı boldy. Búgingi jaımashýaq aýa raıy da jamaǵat úshin jaıly bola túskendeı. Meshit qyzmetkerleriniń uıymdastyrýymen aýladaǵy alańqaılarǵa arnaıy jaıylǵan tósenish jaınamazdarǵa erte kelip eki-ekiden jaıǵasqan jamaǵat kópten kútken ańsaryna jolyǵardaı saǵynyshpen azan daýsyn asyǵa kútip otyrdy. Óıtkeni, bul Elorda halqynyń bir jyldan soń saǵyna qaýyshqan ekinshi juma namazy edi!

Respýblıkalyq «Áziret Sultan» meshitindegi búgingi juma namazyna QMDB tóraǵasy, Bas múftı Naýryzbaı qajy Taǵanuly ózi qatysyp, jamaǵatqa juma ýaǵyzyn jetkizdi. Aldymyzda kele jatqan Qadir túniniń qasıetine qysqasha toqtalǵan Bas múftı ulyq túndi qulshylyq-ǵıbadatpen ásemdeýge úndedi. Sondaı-aq, karantın erejelerine sáıkes juma namazyn oqý tártbine túsinistikpen qarap, qoǵam densaýlyǵy men qaýipsizdigine jaýapkershilikpen qaraýǵa shaqyrdy.

Namaz sońynda jamaǵatpen birge qol jaıylyp, elimizdiń amandyǵy men jerimizdiń tynyshtyǵyn tiep duǵa jasaldy.

Sýretterdi «FOTOGALEREIa» aıdarynan kóre alasyzdar!