BAS MÚFTI BAǴDARLYQ BAIaNDAMA BOIYNShA ARNAIY JINALYS ÓTKIZDI (FOTO)

Búgin Bas múftı Naýryzbaı qajy Taǵanuly QMDB qyzmetkerlerine Baǵdarlyq baıandamada aıtylǵan aýqymdy is-sharalardy atqarý boıynsha arnaıy jınalys ótkizdi. Jıynǵa naıb múftıler, Bas múftı keńesshileri men bólim, sektor meńgerýshileri qatysty.

«Ózderińiz jaqsy bilesizder, 17 qańtarda elimizdegi búkil din qyzmetkerlerine dástúrli Baǵdarlyq baıandamamdy joldap, jyl boıy atqaratyn aýqymdy jumys baǵyttaryn atap, tıisti tapsyrmalar berdim. Alla qalasa, 2024 jyly «Baǵdarlyq baıandama» aıasynda 50 aýqymdy jobany, «Aıtýly sharalar-2024» jobasy boıynsha 45 is-sharany, «Bes baǵyt» boıynsha 58 is-sharany, «Dinı basqarmanyń keńeıtilgen jospary» boıynsha 610 jobany, barlyǵyn qosqanda 763 is-sharany júzege asyratyn bolamyz. Osy rette barshańyzdy josparlanǵan jumystardy yqylaspen der kezinde oryndaýǵa shaqyramyn» dedi QMDB Tóraǵasy Naýryzbaı qajy Taǵanuly.

Jıyn sońynda Bas múftı Almaty turǵyndary úshin arnaıy duǵa jasady.