BAS MÚFTI BALALAR AÝYLYNA BARDY (FOTO)

28 qyrkúıek 2022 1682 0
Оqý rejımi

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qyzylorda oblysyna jasaǵan saparynda «Atameken» otbasy úlgisindegi balalar aýylyna bardy.

Ortalyqta tárbıelenip jatqan jasóspirimder Bas múftı bastaǵan din qyzmetkerlerine óz ónerlerin pash etti.

«Hazireti Álı (Alla oǵan razy bolsyn): «Balalarǵa ǵylym-bilim úıretip, ádepke baýlyńdar», – degen. Balany jastaıynan bilimdi, zerek etip ósirýdiń mańyzy zor. Qarap otyrsaq, qazaqtyń nar tulǵalary bala kezinen zerektigimen kózge túsken. Sizder de erteń-aq úlken azamat bolyp, elge qyzmet etetin tulǵa bolasyzdar. Ol úshin búgin jaqsy bilim men tárbıe alyńyzdar. Alla bolashaqtaryńyzdy jarqyn etsin» dep duǵa etti Naýryzbaı qajy Taǵanuly.

Bas múftı balalar úıin aralap, olardyń shyǵarmashylyǵymen, tynys-tirshiligimen tanysty. Syı-sııapatyn tabystap, ıgi nıetin jetkizdi.

Aıta ketsek, búginde «Atameken» otbasy úlgisindegi balalar aýylynda 60 jasóspirim tárbıelenýde.

Pіkіrler Kіrý