Bas múftı «Berekeli ramazan kerýeni» aktsııasyna qatysty (FOTO+VIDEO)
Qasıetti Ramazan aıynyń qurmetine QMDB Tóraǵasy, Bas múftı Naýryzbaı qajy Taǵanulynyń qatysýymen «Berekeli Ramazan kerýeni» respýblıkalyq onlaın marafony ótti.
Bas múftı bastamasymen ótken qaıyrymdylyq aktsııa barysynda ár óńir ortalyqtarynan aldyn ala daıyndalǵan azyq-túlik tıelgen júk kóligi shalǵaıda ornalasqan aýyl-aımaqqa qaraı jolǵa shyqty. Óńir ımamdary jáne «Zeket jáne qaıyrymdylyq» qory ókilderiniń uıytqy bolýymen 11700 muqtaj otbasyǵa azyq-túlik úlestirildi.
«Alla Taǵala qasıetti Qurannyń «Máıda» súresinde: «Ózderińdi Allaǵa jaqyndatatyn izgi isterde, taqýalyqta bir-birińe járdemdesińder! Al kúnáli isterde hám dushpandyq jasap, shekten shyǵýda birińe-biriń bolyspańdar», - dese, adamzattyń ardaqtysy Paıǵambarymyz (oǵan Allanyń salaýaty men sálemi bolsyn): «Adamdardyń eń qaıyrymdysy – ózgege paıdasyn tıgizgeni» degen. Minekı, Talǵat Omarov bastaǵan «Zeket jáne qaıyrymdylyq» qory mamandary men óńirlerdegi ımamdardyń arqasynda Ramazan aıynda kún saıyn úzdiksiz qaıyrymdylyq is-sharalary ótip jatyr, aýyzasharlar berilip jatyr. Alla sizderge razy bolsyn! Elimizdi aman, jurtymyzdy tynysh etip, izgi amaldarymyzdy, duǵa-tilekterimizdi Alla Taǵala qabyl etsin!» - dep Bas múftı bata berip, qaıyrymdylyq kerýenin shyǵaryp saldy.
Sondaı-aq, oblys ımamdarynyń atynan Aqtóbe qalasynyń bas ımamy Tólebı Ospan, Qostanaı oblysynyń bas ımamy Bahytbek Tájimbet jáne Qyzylorda oblysynyń bas ımamy Bolatbek Ulasqanuly onlaın marafondy qabyldap, jolǵa shyqqan din qyzmetkerlerine, eriktilerge sáttilik tiledi.
Aıta keteıik, 13 sáýir – Ramazan aıynyń alǵashqy kúninen bastap kúni búginge deıin «Zeket jáne qaıyrymdylyq» qorynyń jáne óńir ımamdarynyń uıytqy bolýymen 60 myńǵa jýyq otbasyǵa «Aýyzashar qorjyny» taratylsa, «Berekeli Ramazan syıy» aktsııasy aıasynda kópbalaly analar, jetimder men múgedekterge, áleýmettik jaǵdaıy tómen otbasylarǵa 12000-ǵa jýyq azyq-túlik sebetteri úlestirildi.
«Zeket jáne qaıyrymdylyq» qorynyń dırektory Talǵat Seıitkárimulynyń aıtýynsha, «El úlesi – páterge» jobasymen baspanaǵa muqtaj 7 otbasyǵa úı berilse, «Ómirge úmit syıla» jobasymen Nur-Sultan qalasynyń №1 aýrýhanasyna 3 dana ottegi kontsentratory, 30 dana pýlsoksımetr, 30 dana tynys alýǵa arnalǵan apparat tartý etildi. Odan bólek «Berekeli Ramazan syıy» aktsııasymen 150 azyq-túlik sebeti medıtsına mamandaryna taratyldy.
