BAS MÚFTI BUU DAMÝ BAǴDARLAMASYNYŃ DEPARTAMENT BASShYSYN QABYLDADY

Búgin elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Birikken Ulttar Uıymy Damý baǵdarlamasynyń Tıimdi basqarý departamenti basshysy Aınur Baımyrzany qabyldady.

Kezdesýde Qazaqstan jastarynyń Ekstremıstik jáne destrýktıvti dinı aǵymdarǵa qosylý qaýpin azaıtý maqsatynda birigip jumys isteý jóninde aıtyldy.

«Biz qoǵamǵa, elimizge paıdaly bolǵan árbir iske qoldaý kórsetýge, birigip jumys atqarýǵa árdaıym daıynbyz. Múftııat jastar máselesine, ásirese, olardyń jat dinı aǵymdarǵa erip ketýine qatysty máselelerge áýelden beı-jaı qaramaıdy. Bizde jastarmen arnaıy jumys atqaratyn Jastar isi sektory jumys isteıdi. Bıyl Dinı basqarma janynan Jastar keńesi quryldy. Oǵan elimizge tanymal ári isker jastar múshe bolyp, pikirlerin, el jastarynyń bolashaǵyna qatysty usynystaryn jetkizýde» dedi Bas múftı.

Sondaı-aq QMDB Tóraǵasy departament basshysy Aınur Baımyrzaǵa Jastar isi sektorynyń atqarǵan ártúrli aýqymdy jobalaryn tanystyrdy. Al kezdesý qorytyndysynda taraptar el jastaryna qatysty jańa jobalardy birge júzege asyrýǵa ýaǵdalasty.

​