Bas múftı Elordada jańa meshittiń qazyǵyn qaǵý rásimine qatysty (FOTO)

Búgin QMDB tóraǵasy, Bas múftı Naýryzbaı qajy Taǵanuly el astanasy Nur-Sultan qalasyndaǵy jańa meshittiń qazyǵyn qaǵý rásimine qatysty. Bas qalanyń Baıqońyr aýdanynda boı kóteretin qulshylyq ordasynyń qujattary túgeldeı ázirlenip, meshit salýǵa 5,3 gektar jer telimi bólingen eken. Syıymdylyǵy 2 000 adamdyq qulshylyq ordasy jospar boıynsha 2022 jyldyń sońynan taman paıdalanýǵa berilýi tıis.

Qurylys alańy basynda Bas múftı Naýryzbaı qajy Taǵanuly meshit jobasymen tanysty. Jıylǵan jamaǵatpen birge arnaıy duǵa jasap, qurbandyq shalǵannan keıin Bas múftı meshittiń qazyǵyn qaǵyp, bul jerde boı kóteretin Alla úıiniń el ıgiligi jolynda jemisti qyzmet etýin tiledi.

Sýretterdiń tolyq nusqasyn «FOTOGALEREIa» aıdarynan kóre alasyzdar!