Bas múftı erikti jastarmen júzdesti (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Taldyqorǵan qalasyna sapary aıasynda shahardaǵy stýdentter úıine at basyn buryp, erikti jastarmen júzdesti.

Bas múftı jalyndaǵan jastarmen rýhanı suhbat júrgizip, kókeılerinde júrgen suraqtaryna jaýap berdi.

«Erikti jastardyń kúshi pandemııa kezinde anyq baıqaldy. Muqtajdyń muńyn bólisip, arqasyndaǵy aýyr júgin jeńildetýge kúsh salǵan da – osy eriktiler edi. Keshegi Maqtaaraldy sý basqanda da eriktiler jyldam jınala qalyp, qıyndyqty eńserýge járdemdesti. Meshitterimiz uıymdastyrǵan qaıyrymdylyq sharalaryna, ótkende ǵana respýblıka boıynsha 30 myń túp aǵash otyrǵyzý aktsııasyna, basqa ıgi isterge jumyla kirisip júrgen osy jastarymyzǵa Alla jar bolsyn!» – dedi Bas múftı.

Kezdesý sońynda QMDB tóraǵasy indet kezinde aıanbaı eńbek etken jastarǵa, birqatar eriktilerge alǵys hat pen estelik syılyq tabys etti.