BAS MÚFTI INDONEZIIaDA ÓTKEN HALYQARALYQ KONFERENTsIIaDA ARNAIY BAIaNDAMA JASADY (FOTO)
Búgin Indonezııanyń Sýrabaıa qalasynda «Islam fıqhy jahandyq órkenıet úshin» birinshi halyqaralyq konferentsııasy máresine jetti. Eki plenarlyq otyrystan turatyn konferentsııaǵa álemniń 75 memleketinen 300-den asa ǵalym qatysty. Jıynda QMDB Tóraǵasy, Bas múftı Naýryzbaı qajy Taǵanuly qazirgi zamanaýı pátýa berý men Islam fıqhynyń mańyzy týrasynda arnaıy baıandama jasady.
«Pátýa berý tásili zamanǵa, ýaqytqa, mekenge qaraı ózgerip otyrady. Sharıǵı sheshim qabyldaýda sol qoǵamdaǵy jaǵdaı, salt-dástúr, eldiń mentalıteti eskeriledi. Kez-kelgen elde pátýa berýde aýyzbirshiliktiń saqtalǵany jón. Sol arqyly biz dinı alaýyzdyqtyń aldyn alamyz. Árkim pátýa berse, qoǵamda pikirler qaıshylyǵy oryn alady. Alla Taǵala Qasıetti Qurannyń «Nahl» súresinde «Eger bilmeseńder, onda biletinderden surańdar» (43-aıat) degen.
Búgingi tańda zaman aǵymyna saı jańa pátýalar qabyldanýda. Biz musylmandar bul rette qoǵam talaptaryna saı jaýap berýge tıispiz. Sońǵy jyldary Qazaqstan musylmandary dinı basqarmasy janyndaǵy Ǵulamalar keńesi de zamanaýı, qoǵam suranysyna saı pátýalar shyǵardy. Búgingi Islam fıqhynyń adamzat órkenıeti úshin atty taqyrypqa qurylǵan konferentsııa asa mańyzdy dep sanaımyn. Bul musylman úmbetiniń ár salada damýyna jol ashady dep senemin» dedi Bas múftı.
Aıta keteıik jıynda din ǵalymdary búgingi musylman úmbetiniń aýyzbirshiligi, áleýmettik jeli ádebi, pátýa berýdegi birizdilik, adamı qundylyqtar týraly aıtty. Aıta keteıik búgingi «Islam fıqhy jahandyq órkenıet úshin» konferentsııasy Indonezııada alǵash ret uıymdastyryldy.
