Bas múftı Isabek ıshan kesenesin zııarat etti (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Pavlodar oblysyna jasaǵan jumys saparyn Aqkól aýylyndaǵy Isabek ıshan kesenesin zııarat etýden bastady.
Bas múftı bastaǵan din qyzmetkerleri ıshandar rýhyna Quran baǵyshtap, duǵa jasady. Naýryzbaı qajy Taǵanuly Quran hatym duǵasyn jasap, din qaıratkerleriniń rýhyna baǵyshtady. Sonymen qatar elimiz ben jerimizdiń ıgiligi úshin arnaıy duǵa jasady.
Aıta ketsek, Murat ıshannyń uly Isabek ıshan HIH ǵasyrda Islam dinin alǵash taratýshylardyń biri, fılosof, aǵartýshy, belgili ǵulama Máshhúr Júsip Kópeıulynyń ustazy bolǵan. Haziret Isabek ıshan Aqkól-Jaıylmada medrese ashyp, meshit turǵyzǵan.
