Bas múftı halal sertıfıkat alǵan fabrıka jumysymen tanysty (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qostanaı oblysyna barǵan saparynda Dinı basqarmanyń halal sertıfıkatyn alǵan qus fabrıkasynda boldy.

Bas múftı bastaǵan delegatsııa Rýdnyı qalasynda Dinı basqarma janyndaǵy «Halal Damý» JShS sertıfıkatyn alǵan qus fabrıkasyn aralap, jumysymen tanysty.

«Allaǵa shúkir, qazir halyq tarapynan halal ónimderge degen suranys kún sanap artýda. Dinı basqarma óz múmkindigi aıasynda halyqtyń halal ónimdi tutynýyna qolaıly jaǵdaı jasaýda. Biz bul baǵyttaǵy jumystarymyzdy udaıy jalǵastyra beremiz», – dedi Naýryzbaı qajy Taǵanuly.