Bas múftı «Halyq arna» telearnasynyń Atyraýdaǵy stýdııasynda suhbat berdi (FOTO)

25 aqpan 2021 2291 0
Оqý rejımi

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraýda ashylǵan «Halyq arna» telearnasynyń stýdııasynda bolyp, bólimsheniń jumysymen tanysty. Atyraý oblysynyń bas ımamy Altynbek Utyshanuly Bas múftıge stýdııa jumysyn tanystyryp, aqparat salasyndaǵy bastamalaryn baıandap berdi.

Naýryzbaı qajy Taǵanuly  telearna jýrnalısterine bergen suhbatynda Qazaqstan musylmandary dinı basqarmasynyń jeti jumys baǵyty, jastar tárbıesi, ıhsan ilimi týraly oılarymen bólisip, Atyraý oblysynyń ortalyq «Imanǵalı» meshiti janynan ashylǵan amin.kz medıa ortalyǵynyń jumysyna sáttilik tiledi.

Aıta ketsek, «Halyq arna» telearnasynyń Atyraýdaǵy fılıaly óńirler boıynsha birinshi bolyp óz jumysyn bastap ketti.

Fılıal stýdııasy tórt bloktan turady. Arnaıy jasaqtalǵan stýdııada televızııalyq habarlar, rýhanı suhbattar, túrli formattaǵy túsirilimder jasalady.

Stýdııa televızııa salasyna qajetti zamanaýı qural-jabdyqtarmen qamtamasyz etilgen.

QMDB-nyń 30 jyldyq mereıtoıy qarsańynda «Halyq arna» telearnasy ashylǵan bolatyn. Búgingi tańda telearna «Otaý TV», «IdTV» kabeldik jelileri arqyly habar taratyp keledi.

Pіkіrler Kіrý