Bas múftı halyqaralyq konferentsııada baıandama jasady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Nur-Sultan qalasynda ótken halyqaralyq konferentsııaǵa qatysty.
«Konfessııaaralyq kelisim – Qazaqstan Táýelsizdiginiń negizi» taqybyrynda ótken halyqaralyq basqosýda Bas múftı Naýryzbaı qajy Taǵanuly: «Barshańyzdy Táýelsizdigimizdiń 30 jyldyq mereıli mereıtoıymen shyn júrekten quttyqtaımyn. Sizderge myqty densaýlyq, ár otbasyǵa amandyq, jumystaryńyzǵa bereke tileımin. Allaǵa shúkir, táýelsizdigimizdiń arqasynda meshit-medreselerimiz kórkeıip, Qurban aıt qurmetine demalys jarııalandy. 1991 jyly egemendik alǵan sátte elimizde nebary 68 meshit bolsa, búginde qulshylyq úıleriniń sany 2600-ge jetti. Egemendigimizdiń alǵashqy jylynda elimizden 74 adam qajylyq paryzyn ótegen bolsa, qazir jyl saıyn uly saparǵa barýshylar sany 4 myńnan asty. Osynyń bári Allanyń qalaýymen táýelsizdigimiz ben birliktiń arqasynda júzege asyp otyr», – dep atap ótti.
Aıta ketsek, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń uıymdastyrýymen ótken jıynǵa memleket jáne qoǵam qaıratkerleri qatysty.
