BAS MÚFTI HALYQARALYQ KONFERENTsIIaDA BAIaNDAMA JASADY (FOTO)
Búgin Bas múftı Naýryzbaı qajy Taǵanuly Mysyr Arab Respýblıkasynyń astanasy Kaır qalasynda «Úshinshi myńjyldyqtaǵy pátýa berý jáne syn-qaterler» taqyrybynda bastalǵan halyqaralyq konferentsııada baıandama jasady.
QMDB Tóraǵasy álem halqyn birlikke shaqyrýda qazaq eliniń erekshe ról atqaryp kele jatqanyn basa aıtty.
«Rasynda memleket pen memleketti, adam men adamdy bóletin shekara shetindegi taýlar ıakı ózender emes. Adamdardy bir-birinen bóletin nárse – olardyń arasyndaǵy bir-birine degen qurmetsizdik. Al Alla Taǵala Quranda: «Jaqsylyq jasaýda, taqýalyqqa jetýde bir-birińe járdemdesińder!» («Máıda» súresi, 2-aıat) dep ámir etken.
Islam dini – barlyq adamzatty izgilikke, jaqsylyqqa shaqyratyn din. Birlik pen berekege shaqyrý qazaq halqynyń qanynda bar qasıet. Qoja Ahmet Iasaýı babamyz adamnyń kemeldikke jetýi úshin tórt shartty atap ótken. Olar: «Keńistik, ýaqyt, baýyrmaldyq, ózara yntymaqtastyq». Mine, osy qundylyqtar bolǵan kezde qoǵam da, adam da baqytty bolady.
Osy turǵydan kelgende, adamzatty birlikke shaqyrýda elimiz erekshe ról atqaryp keledi. Iaǵnı Álemdik jáne dástúrli din lıderleri sezi dinı dostyq pen ózara túsinikti damytýdyń taptyrmas alańy bolǵany anyq. Mundaı halyqaralyq deńgeıde ótken jıynnyń elimizde uıymdastyrylýynyń ózindik máni bar» dedi Bas múftı.
Aıta keteıik, Mysyr Arab Respýblıkasynyń Prezıdenti Ábdel Fattah As-Sısıdiń qoldaýymen ótip jatqan konferentsııaǵa álemniń birneshe elinen kelgen múftıler men din ǵalymdary, jalpy sany 200-ge jýyq delegat qatysýda.
