Bas múftı halyqaralyq onlaın konferentsııaǵa qatysty (FOTO)

24 qyrkúıek 2020 221 0
Оqý rejımi

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Reseı Federatsııasy musylmandary dinı basqarmasy uıymdastyrǵan halyqaralyq onlaın konferentsııaǵa qatysty.

Konferentsııa jumysyna Reseı Federatsııasy musylmandary dinı basqarmasynyń tóraǵasy Ravıl Ǵaınýtdın, Túrkııa Din isteri basqarmasy tóraǵasynyń orynbasary Selım Argýn, Qyrǵyzstan múftıi Maqsatbek qajy Toqtomýshev, Tájikstan Islam ortalyǵynyń tóraǵasy Saıdmýkarram Abdýlkodırzoda, t.b. din qaıratkerleri men ǵalymdary qatysty.

«Islam súnnetin túsindirý máselesiniń ártúrli joly» degen taqyrypta ótken halyqaralyq konferentsııada Bas múftı Naýryzbaı qajy Taǵanuly quttyqtaý sóz sóılep: «Islam sharıǵaty qasıetti Quran Kárim men Ardaqty Paıǵambarymyzdyń (oǵan Allanyń salaýaty men sálemi bolsyn) hadısterine negizdelgen. Osy eki qaınar kóz Islam dininiń negizi bolyp tabylady. Paıǵambar (oǵan Allanyń salaýaty men sálemi bolsyn) hadısteri belgili bir jaıtqa, máselege, merzimge baılanysty aıtylyp otyrǵan. Búgingi tańdaǵy musylman qaýymyna búkil hadısterge tek amal etý ǵana emes, bálkim Paıǵambar (oǵan Allanyń salaýaty men sálemi bolsyn) sózderindegi tereń maǵynany uǵynyp, durys túsine bilýimiz qajet dep oılaımyn», – dep atap ótti.

Pіkіrler Kіrý