Bas múftı Konıadaǵy Hasekı oqý ornynyń jumysymen tanysty (FOTO)
QMDB Tóraǵasy, Bas múftı Naýryzbaı qajy Taǵanuly Túrkııa Respýblıkasyna sapary barysynda Konıa aımaǵynda ornalasqan Hasekı oqý ordasyna arnaıy keldi.
Aǵartýshylyq baǵytty asa mańyzdy dep sanaıtyn QMDB oqý-aǵartý salasyn nazardan tys qaldyrǵan emes. Bas múftı Naýryzbaı qajy Taǵanuly eń aldymen Hasekı oqý ornynyń basshysy Hýseın Akynjy myrzamen kezdesip, shákirtterdi qabyldaý, onyń ishinde Konıada bilim alý jóninde suhbattasty.
«Bizdi ystyq yqylaspen qarsy alǵanyńyzǵa alǵysym sheksiz. Dinı senim mektebimiz bir, tilimiz uqsas bolǵandyqtan kóptegen qazaqstandyq shákirtter osy elge keledi. Óıtkeni bizdiń elimizde din salasyn oqımyn degender úshin Hasekıdiń orny joǵary. Onyń ishinde Konıadaǵy ortalyǵyna talas joǵary. Sondyqtan qazaq balalarynyń da bir jerde shoǵyrlanyp, bir jerden bilim alýyna qoldaý kórsetýińizdi suraımyn», – dedi Bas múftı.
Óz kezeginde bilim ordasyna jaýapty Hýseın myrza Qazaqstannan keletin árbir shákirtti qoldaýǵa daıar ekenin jetkizdi.
«Qazaqstannan keletin ár shákirtke esigimiz ashyq, olardy qoldaýǵa daıynbyz. Kúni keshe ǵana jasalǵan memorandým eki el úshin tabysty bolmaq», – dedi Hýseın Akynjy.
Kezdesý sońynda Bas múftı Hýseın Akynjyǵa atajurttan arnaıy aparǵan ulttyq naqyshtaǵy kádesyıyn tabystady.
Aıta ketsek, osy ýaqytqa deıin Hasekı oqý ornyn elimizden 89 shákirt támamdap shyqqan.
