BAS MÚFTI «MARAL IShAN» MEDRESESINIŃ AShYLÝYMEN QUTTYQTADY (FOTO)

Búgin Qyzylorda qalasyndaǵy Belkól kentinde «Maral Ishan» medresesiniń ashylý rásimi ótti.

Igi is-sharaǵa qatysqan Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly halyqty jańa medresesiniń ashylýymen quttyqtap, ıgi tilegin bildirdi.

«Búgin – Syr eliniń jurtshylyǵy men barsha musylman jamaǵaty úshin tarıhı ári qýanyshty kún. Jańa oqý ordamyzdyń ashylýyna qosh keldińizder. Maral Ishan medresesinen tálim alyp shyqqan shákirtterimiz elimizdiń ıgiligi úshin qyzmet etetin bolady. Medrese oqyǵan azamat halqymyzdyń, dinimiz ben dástúrimizdiń janashyr tulǵalaryna aınalady dep senemin. Jańa dinı oqý ordamyz qutty bolsyn. Medrese bar jerge Allanyń berekesi ornaıdy. Alla Taǵala elimiz ben jerimizge jaqsylyǵyn jaýdyrǵaı. Ámın!» dedi Naýryzbaı qajy Taǵanuly.

QMDB Tóraǵasy medreseni salǵan Murat Toqpanulyna alǵys hatyn tabystap, saýapty iske uıytqy bolǵany úshin rızashylyǵyn jetkizdi. Sondaı-aq oqý ordasynyń ashylý saltanatyna qatysqan zııaly qaýym ókilderi de quttyqtaý sózin arnap, júrekdardy lebizin bildirdi.

Aıta ketsek, Maral Ishan medresesinde bir mezette 80 shákirt bilim men tárbıe alady.