BAS MÚFTI MÁSKEÝDEGI HALYQARALYQ FORÝMDA BAIaNDAMA JASADY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Máskeý qalasynda bastalǵan HIH Halyqaralyq musylmandar forýmyna qatysyp, baıandama jasady.
«Rýhanı-adamgershilik qundylyqtardy jáne beıbitshilik pen qaýipsizdikti saqtaýda din lıderleriniń róli» taqyrybynda ótken forýmda Bas múftı Naýryzbaı qajy Taǵanuly: «Paıǵambarymyz Muhammed (oǵan Allanyń salaýaty men sálemi bolsyn): «Álbette meniń úmbetim adasýshylyqta birikpeıdi...» degen. Alla Taǵala bul jıynymyzdy musylman úmbeti úshin paıdaly, nátıjeli, berekeli etkeı. Rabbymyz kúlli musylman úmbetiniń júregin biriktirip,
baýyrmaldyq qasıetterimizdi arttyrǵaı. Búgingi tańda álem qarqyndy túrde ózgerýde. Aqparattyq tehnologııa kún saıyn damýda. Mundaı úderis kezinde rýhanı qundylyqtardy álemdik deńgeıde nasıhattaý ózekti bolyp qala beredi. Álemdegi kúrdelengen dinı ahýal din qyzmetkerleriniń jaýapkershiligin odan saıyn arttyra túskeni aqıqat.
Biz osy baǵyttaǵy maqsattarymyzdy júzege asyrý úshin Túrki memleketteri múftıleriniń keńesin qurýǵa bastamashyl boldyq. Osyǵan oraı qasıetti Túrkistan qalasynda ótken keńes jumysynda barshaǵa ortaq dinı mektepterdiń rólin qaıta jańǵyrtý týraly bastama kóterdik.
Ǵalymdarymyz: «Baýyrmaldyq – ıman keltirgenderdiń ózara súıispenshiligi men din nasıhatynda ortaq bolýy», – dep aıtqandaı, Alla Taǵala barshamyzǵa musylman úmbetiniń máselesinde bir bolýda kúsh-qýat pen birlik násip etkeı. Ámın!» dep atap ótti.
Aıta ketsek, HIH Halyqaralyq musylmandar forýmyna musylman elderiniń din qaıratkerleri men ǵalymdary qatysýda. Basqosý sońynda forým qarary qabyldanady.
