BAS MÚFTI MEDRESEARALYQ OLIMPIADA JEŃIMPAZDARYN MARAPATTADY (FOTO)
Almaty qalasynda QMDB Dinı bilim jáne kadr daıarlaý bólimi men «Ábý Hanıfa» medrese-kolledjiniń uıymdastyrýymen fıqh páninen V respýblıkalyq medresearalyq olımpıada ótti.
Bilim saıysyna elimizdegi 9 medrese-kolledjde oqıtyn shákirtteri qatysyp, ózara júzden júırikti anyqtady. Medresearalyq olımpıada jeńimpazdaryn QMDB Tóraǵasy, Bas múftı Naýryzbaı qajy Taǵanuly marapattap, shákirtterge batasyn berdi. Sondaı-aq olımpıadanyń ótýine atsalysqan «Ábý Hanıfa» medrese-kolledjiniń dırektory Mahanbet Qulmuhanbetke jáne bilim ordasy ujymyna alǵysyn bildirdi. Bas júlde ıegerine «Nur-Múbarak» ýnıversıtetine tegin oqý granty berilse, qalǵan jeńimpazdar men júldegerlerge Umra qajylyǵyna joldama jáne qarjylaı syılyqtar tabys etildi.
Bilim saıysynyń 3-kýrs stýdentteri arasynda jeńimpazdary tómendegideı:
Bas júlde («Nur-Múbarak» ýnıversıtetine tegin oqý granty) – Temirlan Hakim («Shymkent» medrese-kolledji);
I oryn (Umraǵa joldama) – Nazarbaı Ótegenuly («Astana» medrese-kolledji);
II oryn (100 myń teńge) – Temirlan Rahmetýllın («Saryaǵash» medrese-kolledji);
III oryn (75 myń teńge) – Aıdyn Sultanov («Oral» medrese kolledji).
2-kýrs shákirtteri arasynda:
I oryn (150 myń teńge) – Mombek Msahan («Shymkent» medrese-kolledji)
II oryn (100 myń teńge) – Maqsat Azamatuly («Astana» medrese-kolledji);
III oryn (50 myń teńge) – Bekzat Bolatov («Aqtóbe» medrese-kolledji).
Bir kúnge sozylǵan bilim dodasynda «Nur-Múbarak» ýnıversıtetiniń oqytýshysy, PhD doktory Erǵalı Alpysbaev (tóraǵa), QMDB Dinı bilim jáne kadr daıarlaý bóliminiń mamany Jańabaı Qojın jáne «Nur-Múbarak» ýnıversıtetiniń oqytýshysy Nurjan Smaǵulov Nurjan tórelik jasady.
Aıta keteıik, bıylǵy olımpıadanyń ereksheligi – 3-kýrs shákirtteri úshin arab tilinde ótýi. Birinshi kezeńde qatysýshylar fıkh páninen test tapsyrsa, ekinshi kezeńde arab tilinde berilgen vıdeosuraqqa jaýap berdi. Odan bólek shákirtterge berilgen dinı mátindi oqyp, ony aýdaryp berý tapsyryldy.
