Bas múftı men oblys ákimi meshit irgetasyn qalady (FOTO)
Bas múftı Naýryzbaı qajy Taǵanuly men Batys Qazaqstan oblysynyń ákimi Ǵalı Esqalıev Oral qalalyq meshitiniń irgetasyn qalady.
Zashaǵan kentinde ótken ıgi is-sharada Bas múftı: «Halqymyz «Azany bar aýyl azbaıdy» degen. Bul meshit qulshylyqtyń ǵana emes, qaıyrymdylyq pen jaqsylyqtyń, izgilik pen birliktiń ortalyǵyna, sonymen qatar musylman qaýymynyń rýhanı ordasyna aınalady dep senemin. Paıǵambarymyzdyń (oǵan Allanyń salaýaty men sálemi bolsyn) nurly shahar Mádınaǵa kóshken kezde alǵashqy qolǵa alǵan isi musylmandardyń basyn qosatyn meshit salý boldy.
Allaǵa shúkir, elimizde asyl dinimizge memlekettik deńgeıde qamqorlyq jasalýda. Elbasymyz da izgilerdiń jolymen elordamyzda sáýleti men sáni erekshe meshit salyp, jaqsylyqqa úlken úles qosýda. Alla Taǵala barshamyzdy osy meshitterimizdiń ashylýynda birge bolýdy jazǵaı. Ámın!» – dedi.
Oblys basshysy Ǵalı Nájimedenuly ıgi is-sharada quttyqtaý sóz sóılep, izgi nıetin jetkizdi.
Aıta ketsek, Zashaǵan kentinde 70 myńnan astam adam turady. Irgetasy qalanǵan jańa meshitte bir mezette 1500 adam qulshylyǵyn óteı alady.
Meshit jergilikti turǵyndar men demeýshi azamattardyń qoldaýymen boı kótermek.
