Bas múftı men Túrkistan oblysy ákimi «Darhan dala» jobasyn talqylady (FOTO)

18 maýsym 2021 2503 0
Оqý rejımi

Búgin Túrkistan oblysyna resmı saparmen barǵan Bas múftı Naýryzbaı qajy Taǵanuly óńir basshysy Ómirzaq Shókeevpen kezdesti.

Naýryzbaı qajy Taǵanuly men Ómirzaq Estaıuly Qazaqstan musylmandary dinı basqarmasy iske qosqan «Darhan Dala» jobasyn talqylady. Bas múftı atalǵan jobany júzege asyrýda kıeli Túrkistan shaharynyń áleýetin aıryqsha atap ótti.

«Túrkistan topyraǵy tarıhı eskertkishterge baı ólke. Arystan bab kesenesi – kóne Otyrar jerindegi mańyzdy eskertkishtiń biri. Al Qoja Ahmet Iasaýı kesenesi – orta ǵasyrlyq sáýlet óneriniń kórnekti eskertkishiniń biri. Tarıhı kesenelerdi zııarat etýshiler sany kúnnen kúnge artyp keledi. Sizdiń jemisti eńbegińizdiń arqasynda Túrkistan qalasynyń jańa zamanaýı kelbeti qalyptasty. Qazaqstan musylmandary dinı basqarmasy otandyq týrızmdi damytýǵa úles qosý maqsatynda «Darhan Dala» jobasyn iske qosty. Joba maqsaty – halyq arasynda din men dástúrimizge saı kıeli oryndardy zııarat etý mádenıetin qalyptastyrý, jurtshylyqqa sharıǵat ádebin saqtaýdy úıretý, Túrkistan qalasyna, basqa da tarıhı, kıeli oryndarǵa týr uıymdastyrý. Atalǵan jobany QMDB janyndaǵy «Darhan Dala Travel» týrıstik fırmasy ımamdardyń atsalysýymen júzege asyrady», - dedi Bas múftı Naýryzbaı qajy Taǵanuly.

Túrkistan oblysynyń ákimi Ómirzaq Shókeev Dinı basqarmanyń ıgi bastamasyn qoldaıtynyn jetkizip, izgi nıetin bildirdi, sonymen qatar ákimdik tarapynan úılestirý jumystaryna qatysty máselelerge nazar aýdarylatynyn atap ótti.

Aıta ketsek, «Darhan Dala Travel» týrıstik fırmasy birneshe baǵyt boıynsha jumys isteıdi. Atap aıtqanda, sheteldegi jáne elimizdegi kıeli oryndarǵa zııarat, densaýlyq, Ekotýrızm baǵyty boıynsha týr uıymdastyrady.

 

Pіkіrler Kіrý