Bas múftı meshit janashyrlary men din qyzmetkerlerin marapattady (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Pavlodar oblysyna jasaǵan jumys sapary kezinde Máshhúr Júsip meshitiniń 20 jyldyq mereıtoıyna oraı ótkizilgen ıgi is-sharada meshit janashyrlary men jeti baǵyt boıynsha belsendi jumys istegen ımamdardy merekelik medalmen marapattap, alǵys hatyn tabystady.

QMDB Tóraǵasy meshittiń qamqorshylar, aqyldastar alqasynyń múshelerine alǵys bildirip, rııasyz rızashylyq nıetin jetkizdi.

«Musylman úshin meshitte qyzmet etip, Alla úıiniń izgi isine úles qosýdan asqan baqyt joq dep oılaımyn. Sizder Máshhúr Júsip meshitiniń saýapty isterine súbeli úles qosyp kele jatqan jansyzdar. Alla razy bolsyn! Alla ıgi isterińizge mol saýaptan jazsyn!» dedi Bas múftı.

Aıta ketsek, Pavlodar oblystyq Máshhúr Júsip meshitiniń ashylǵanyna 20 jyl toldy. Sáýleti men sáni jarasqan, qazaqy naqyshta salynǵan qulshylyq úıi álemdegi eń kórikti meshitterdiń qataryna engen.