Bas múftı meshittegi jolaýshylar bólmesine aıaldady (FOTO)

Bas múftı Naýryzbaı qajy Taǵanuly Shyǵys Qazaqstan oblysyna jasaǵan resmı sapary kezinde Óskemen jáne Semeı qalalaryn jalǵaıtyn jol boıyndaǵy meshittegi jolaýshylar bólmesine aıaldady.

Sýyq bulaq kentinde ornalasqan meshitke toqtaǵan QMDB delegatsııasy jolaýshylar bólmesinde bolyp, qulshylyq úıinde atqarylǵan jumystarmen tanysty. Jınalys barysynda Bas múftı aýyl ımamyna birqatar tapsyrmalar berdi.

Aıta ketsek, jyl basynda QMDB Tóraǵasy Naýryzbaı qajy Taǵanuly oblys ımamdaryna respýblıkalyq jáne qalalyq mańyzy bar úlken tas jol boıynda ornalasqan meshit janynan jolaýshylar bólmesin ashýdy tapsyrǵan bolatyn.      

Jolaýshylar bólmesinde tegin ınternet ýaı-faı jelisi, ystyq kofe-sháı, alǵashqy medıtsınalyq kómek úshin dári-dármek salynǵan qobdısha, uıaly telefon qýattandyrǵysh bar.

Búginde elimiz boıynsha úlken jol boıynda ornalasqan 20-dan astam meshitte jolaýshylar bólmesi bar.