BAS MÚFTI MOŃǴOLIIaDA QURYLTAI TÓRAǴASYMEN KEZDESTI

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mońǵolııaǵa barǵan saparynda Baıan-Ólgeı aımaǵynyń Azamattyq ókilderi quryltaıynyń tóraǵasy Qabyl Sháripulymen kezdesti. Kezdesýde eki eldiń baılanysy sóz boldy.

«Kezinde taǵdyrdyń jazýymen tarydaı shashylǵan qazaq balasy Qazaqstan egemendigin alǵannan keıin atajurtqa aǵyldy. Uly kóshtiń basynda Mońǵolııadaǵy qandastarymyz turdy. Alǵashqy lekpen kelgen baýyrlarymyz búginde órken jaıyp, ósip-ónip otyr. Olardyń arasynda elimizdi damytýǵa zor úles qosyp júrgen bilimdi, bilikti azamattar kóp. Olardyń qatarynda Mońǵolııadan kelgen qanshama qandasymyz dinı salada eldiń ıgiligi men dinimizdiń órkendeý jolynda aıanbaı qyzmet etip keledi. Baıan-Ólgeıdegi qazaqtardy, ımamdardy qoldaý maqsatynda arnaıy keldik» dedi Naýryzbaı qajy Taǵanuly.

Baıan-Ólgeı aımaǵynyń Azamattyq ókilderi quryltaıynyń tóraǵasy Qabyl Sháripuly Bas múftıdiń saparyna sáttilik tilep, ıgi bastamalaryna nıettestik tanytty.

​