Bas múftı Myrzataı Joldasbekovpen kezdesti (FOTO)
Elordada Bas múftı Naýryzbaı qajy Taǵanuly kórnekti memleket jáne qoǵam qaıratkeri, belgili ǵalym-túrkolog Myrzataı Joldasbekovpen kezdesti.
Kezdesýde jastardy ımandylyqqa tárbıeleý, balaǵa jaqsy esim qoıý, din men dástúr sabaqtastyǵyn kóbirek nasıhattaý, ımamdardyń bilimi men tájirıbesin arttyrý syndy birqatar máseleler sóz boldy.
Basqosýda Myrzataı Joldasbekov: «Asyl dinimizdi ardaqtap, san ǵasyrdan beri jalǵasyp kele jatqan dástúrimizdi dáripteý, rýhanı qundylyqtarymyzdy jańǵyrtyp, respýblıka deńgeıinde qaıyrymdylyq sharalardy uıymdastyrý isinde Dinı basqarmanyń jumysy úlken. Ony el bilip te, kórip te otyr. Osynaý ıgi de saýapty jumystaryńyz baıandy bolsyn. Qashan da Qudaı jar bolsyn» degen tilegin jetkizdi.
