Bas múftı «Nur» balalar úıin zııarat etti (FOTO)

QMDB Tóraǵasy Naýryzbaı qajy Taǵanuly Almaty oblysyndaǵy qyzmettik sapary aıasynda Talǵar aýdanynda ornalasqan «Nur» balalar úıin zııarat etip shyqty. Saýaby mol iske uıytqy bolyp, sábı júreginiń túkpirine ómir gúlin kóktete bilgen jandardyń biri, atalǵan balalar úıiniń meńgerýshisi Tuıaq Qaskenqyzymen kezdesip, ortalyqtyń jaı-kúıimen tanysty.

Bas múftı balalar úıiniń qyzmetkerleri men tárbıelenýshilerin qasıetti Ramazan aıymen quttyqtaı kelip: «Qazirgideı ýaqytta jat bireýdiń balasyn jatsynbaı baýyrǵa bas bilý úshin úlken júrek, jiger men táýekel kerek. Jetimdiktiń ashy dámin sezgen qamkóńil búldirshinderge meıirim-shapaǵatyn tógip, júrek jylýyn syılaý ońaı dúnıe emes. Mundaı táýekelge barǵan jandardy «úlken júrekti» adam deımiz.

Ardaqty Paıǵambarymyz (oǵan Allanyń salaýaty men sálemi bolsyn) hadısinde: «Kim Alla úshin bir jetimniń basyn sıpasa, qoly tıip ótken árbir tal shashy úshin saýap alady», – degen eken. Alla Tuıaq Qaskenqyzynyń atqaryp otyrǵan ár isin saýaptan jazsyn! Qasıetti Ramazan aıynda tilegen duǵa-tilekterińiz ben qulshylyq-ǵıbadattaryńyzdy Alla qabyl etsin!» – degen tilegin jetkizdi.

QMDB Tóraǵasy balalar úıiniń tárbıelenýshilerine arnaıy daıyndalǵan bazarlyq tartý etti.

​