Bas múftı oblys ákimimen kezdesip, dinı ahýalmen tanysty (FOTO)
Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz Aqmola oblysynyń ortalyǵy Kókshetaý qalasynda jumys babyndaǵy saparmen bolyp, jergilikti dinı jaǵdaımen jan-jaqty tanysty.
Aqmola oblysynyń ákimi Ermek Marjyqpaevpen kezdesýde din qyzmetkerlerin qoldaý jáne dástúrli dinimizge alshaq jat aǵymdarmen kúres sharalarynyń jaıyn tilge tıek etti. Bul rette jurtshylyq arasynda ımanı sanany qalyptastyrý máselesi kókeıtesti ekeni de sóz boldy. Bas múftı men ákim osy ómirsheń máselelerdi ózara áńgime ózegine aınaldyryp, ony sheshýdiń joldaryn qarastyratyndyqtaryn atap kórsetti.
Bas múftı Kókshetaý qalasyndaǵy bir ǵasyrlyq tarıhy bar eski meshit janynan salynyp jatqan jańa meshittiń qurylysymen de tanysty. Odan ári burnaǵy jyly ashylǵan qarılar ortalyǵynda bolyp, jas shákirttermen kezdesti.
Bas múftıdiń Kókshetaý qalasyndaǵy sapary kezinde oblys ımamy Qýanysh Sábıt basshylyqtan berilgen tapsyrmalar jaýapkershilikpen atqarylyp jatqanyn aıtyp, ókildiktiń jumysy jaıly shaǵyn habarlama jasady.
