BAS MÚFTI «QAIYRYMDYLYQ JARSHYLARY» ERIKTILERIN MARAPATTADY

Búgin elordada Qazaqstan musylmandary dinı basqarmasyna qarasty «Zeket jáne qaıyrymdylyq» qorynyń uıymdastyrýymen ótken «QAIYRYMDYLYQ JARSHYLARY» III respýblıkalyq eriktiler forýmynda Bas múftı Naýryzbaı qajy Taǵanuly bıyl kóktemdegi sý tasqyny kezinde turǵyndarǵa járdemshi bolǵan eriktiler men zeket ókilderin alǵys hatpen marapattady.

«Siz elimizdiń keıbir aımaqtarynda oryn alǵan alapat sý tasqyny saldarynan zardap shekken otandastarymyzǵa kómek qolyn sozyp, naǵyz eriktige tán erlik kórsettińiz. Sol sekildi múftııattyń qaıyrymdylyq is-sharalarynda belsendilik tanytyp, ózgelerge úlgi bolarlyq isińiz úshin aıryqsha alǵysymdy bildiremin. Alla sizge razy bolsyn!» delingen alǵys hatta.

Sondaı-aq Bas múftı jýyrda Parıjde ótken Paralımpıadada el namysyn qorǵap, paradzıýdodan kúmis júlde ıelengen sportshymyz Erǵalı Shámeıdiń jeke bapkeri Dáýren Orazulyna umra qajylyǵyna joldama tabys etti.

​