BAS MÚFTI: «Qara jumany» «jomart juma» dep ózgertsek...

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elimizdegi saýda ortalyqtarynyń ıeleri men barsha kásipker azamattardy kópshilik oryndarynda jazylǵan «qara juma» sózin «jomart juma» dep ózgertýge shaqyrdy.

«Keıingi jyldary jurtty jappaı saýdaǵa tartýdyń ádisi retinde qoldanylyp júrgen «qara juma» sózi qoǵamda talqyǵa túsýde. Dinimiz ben dástúrimizde bar «juma» sózi qasıetti, qasterli uǵymdy bildiredi. Men osy rette elimizdegi saýda ortalyqtarynyń ıeleri men barsha kásipker azamattardy «qara juma» sózin «jomart juma» dep ózgertýge shaqyramyn.

«Jomart juma» – júrekke jyly tıetin, halqymyzdyń uǵymyna da saı keletin sóz. Musylman qaýymy úshin juma qasıetti kún bolǵandyqtan, «qara jumany» «jomart juma» dep ózgertsek, bul – Islam dinin ustanatyn halqymyzǵa kórsetilgen qurmet bolmaq. Osylaısha, kásipker azamattarymyz izgi nıetiniń nátıjesinde «jomart juma» aktsııasy aıasynda qanshama jannyń alǵysyna bólener edi» delingen Bas múftı Naýryzbaı qajy Taǵanulynyń úndeýinde.