BAS MÚFTI QOSTANAIDA ERIKTILERMEN KEZDESTI (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qostanaı oblysyna barǵan saparynda múftııat janyndaǵy «Zeket jáne qaıyrymdylyq» qorynyń eriktiler tobymen kezdesip, nasıhat aıtty.

«Qazaq halqynda: «On adam júrgen jerde iz qalady, Myń adam júrgen jerde jol qalady» degen qanatty sóz bar. Sizder izgi isterge iz ben jol qaldyryp júrgen qaıyrymdy jandarsyzdar. «Qaıyrymdylyq jasasań – qaıyryn óziń kóresiń» demekshi, jaqsylyq jasaý – qanymyzǵa sińgen qasıettiń biri. «Asar», «jylý jınaý» syndy dástúrimizde bar ǵuryptar urpaqtan urpaqqa jalǵasyp keledi. Qazir naǵyz halyqqa kómektesetin sát. El basyna kún týǵanda barshamyz birligimizdi tanytyp, árdaıym halyqtyń janynan tabylýymyz kerek. Alla Taǵala qazaq dalasyn tasqyn sýdan saqtasyn» dedi Naýryzbaı qajy Taǵanuly.

Aıta ketsek, «Zeket jáne qaıyrymdylyq» qorynyń Qostanaı oblysyndaǵy 400-ge eriktisi ortaq iske jumyldyrylǵan.

​