BAS MÚFTI QUMAR OIYN JÓNINDE JUMA ÝAǴYZYN AITTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasynyń Ortalyq meshitinde juma ýaǵyzyn aıtty.

Qumar oıynnyń zardaby jóninde ýaǵyz aıtqan Bas múftı: «Alla Taǵala qasıetti Quran Kárimde qumar oıynnyń qurdymǵa ketiretinin aıtyp, ıman keltirgen quldaryn saqtandyrǵan. Paıǵambarymyz da (oǵan Allanyń salaýaty men sálemi bolsyn): «Kim óziniń dosyn qumar oıynǵa shaqyrsa, sadaqa bersin» degen. Iaǵnı qumar oıyndy oınaý óz aldyna kúná bolsa, oǵan basqalardy shaqyrý da kúná sanalady. Qazirgi tańda qumar oıyn qoǵamymyzdyń dertine aınalyp otyr. Talaı taǵdyrdy talqandap, talaı shańyraqtyń berekesin ketirdi. Demek, bul derttiń saldarymen qosa sebebimen de kúresýimiz qajet. Urpaǵymyzǵa ımanı tárbıe berip, ulttyq qundylyqtarymyzdy boıyna sińirip ósirýimiz mańyzdy» dedi.

Juma ýaǵyzynan keıin QMDB Tóraǵasy Naýryzbaı qajy Taǵanuly meshit jamaǵatymen birge duǵa jasap, Alla Taǵaladan el men jerdiń amandyǵyn, álemniń tynyshtyǵyn tiledi.